ننفرد بنشر| شهادة الملازم أول / محمود بطراوي ضابط بوحدات الصاعقة عن "مجزرة رابعـة"
شهادتي للتاريخ . . . لأحداث رابعة العدوية :
من البداية.. اليوم عدي عادي جداً ومحدش قرب لحد لحد وقت متأخر بليل والدنيا اتفضت ف كل مصر زي ما الدنيا كلها شافت . . .
الشباب - اللي كنت فاكرهم بيفهموا - خرجوا بأمر من قيادات ف الميدان أدام عنينا - ومحدش قالي - إحتكوا بعربيات الفهد بتاعت الجيش اللي بتأمن الميدان وحصل مناوشات خفيفة لكن خرجوا برا الميدان وطلعو برا كردون التأمين بالعافية . . .
راحوا ع طريق صلاح سالم - المنطقة اللي قبل المنصة - وكل اللي في طريقهم كسروه وخلعوا بلوكات الخرسانة من الأرض وبنوا جدار كبير في شارع صلاح سالم قفلوا بية الشارع وراحوا عند منطقة المنصة بتاعة السادات وكسروا النحاس اللي بيحاوطها ودغدغوا المنصة والنصب التذكاري وسط تكبير وتهليل بالنصر وشعارات عجيبة ممكن تتقال لمشركين مكة مش لينا بالرغم إن ساعتها كان لسة مفيش غاز أصلاً إنضرب ولا حد من الأمن لية إتدخل علي أية معرفش؟!
ولما قطعوا صلاح سالم وكسروا المنصة والنصب التذكاري وبنوا السور بالبلوكات اللي في خلعوها الأمن طلع يتعامل معاهم - ولا فية حد شايف إن الأمن كدة غلطان وكخة وعيب - وضربوا نار من اتجاهم علي الأمن اللي كان بيستخدم المرحلة الأولى من مراحل فض الإشتباكات وهي الغاز . . . وطلعوا القيادات يقولوا غاز أعصاب وحرب كيميائية وأي كلام غير مسئول والشباب تكبر وتجري وتضرب نار علي قوات الأمن مع إننا كنا هناك ملبسناش أصلاً القناع الواقي من الغازات وواقفين أدامهم من غير أقنعك غاز بس هما دايماً بيدوا الأمر أو المعلومة للشباب والباقي بينفذ بس وداه اللي شفناة وتاني محدش كلامي . . .
حصل ضرب نار من ناحيتهم أثناء مرحلة فض الاشتباك الأولي بالغاز وجات طلقة ف رأس ضابط الشرطة الأول ووقع ميت بطلق نافذ في الرأس وكان لازم الأمن يتعامل بعد الخراب اللي إتعمدوا يعملوة والسور اللي حاولوا يبنوة والشارع اللي كسروة وشالوا البلوكات من الرصيف والنصب اللي هجموا علية وكسروة وكسروا النحاس وخلعوا البلاط وهجموا علي المنصة ودغدغوها وسط تكبيرات عجيبة زي الله أكبر والعزة لله وقادم قادم يا إسلام وخيبر خيبر يا يهود وغيرها . . .
في الوقت داه الأمن اتعامل معاهم وسقط ناس من الناحيتين واللي شوفتة بقي في الوقت داة :
-إنهم المصابين بتوعهم - أدام عنينا - مش المهم عندة يعالجة أد ما المهم إنة يصورة الأول علشان ينزل ع النت الأول ويقول قتلونا وشكراً ياللي فوضتم السيسي ودمنا في رقبتكم، إنما عمرهم ما هينقلوا الواقع أبداً عشان الناس اللي عندهم ميفكروش إحنا بنعمل كدة لية أو يحاولوا يشغلوا راسهم شوية؟!
-إنهم منعوا الإسعاف تجيب المصابين من جوة بل بالعكس دول كانوا هيكسروها ورجعوها لية معرفش.. بالرغم إن ساعتها هما كانوا شايفنهم بيموتوا بس كانوا بيصوروهم الأول ؟!
داه اللي حصل أدام عنينا ومحدش حكالنا ولا إعلام أو نت نقلنا والسؤال هنا . . .
هوا المفروض الأمن يعمل أية لما يلاقي ناس بتخرب في المنشآت غير إنة يتعامل سلمياً لحد ما الطرف التاني يطور هجومة أو تعاملة فالأمن بيعلي التعامل زية وداه اللي حصل.
هو المفروض لما عساكري تموت أدام عنية وزمايلنا في الداخلية ينضربوا بالذخيرة الحية أصدق حضرتك ياللي بتقول سلميين ولا أصدق عنيا والدم اللي قدامي ولا الذخيرة اللي في جسم زمايلي دي عون ومدد ربنا بعتوا ليهم من السما !!
الخلاصة. . . الدم غالي وكلة حرام من هنا أو من هنا وربنا يرحم اللي ماتوا من الناحيتين لكن انا بقول شهادتي للناس كلها علشان مفيش حد وسخ ينفخ في النار ويصور وينزل علي النت علشان يكسب ود وعطف الناس ويصور إن الأمن خونة والشعب خونة والشعب مضحوك علية . . .
إنت اللي مضحوك عليك و فهموك إن كدة جهاد وحلفوا أن فية غاز أعصاب إنضرب وحلفوا علي المنصة إنكم بتنبادوا وإنت جريت زي الأهبل تهلل وتطبل وسمعاً وطاعة بالرغم يا أهبل إننا كنا واقفين أدامك مش لابسين أقنعة غازات وانت بتشتمنا وتقولنا بتضربونا بالغاز يا كلاب يا خونة! !
انت اللي مضحوك عليك وراميينك في نار ملهاش آخر ومتسواش عندهم غير صورة يصوروهالك وانت ميت أو فيديو وانت متقطع علشان ياخد فوت ونسبة مشاهدة عالية ويوروها للعالم كلة أن جيشنا بيموتنا وتعالوا إحمونا وإدخلوا مصر وحررونا من جيش الخونة.
الكلام داه كلة أنا مسئول عنة شخصياً. . . بس للأسف ياريتك هتفكر فية لأن أوبشن التفكير داه خلاص إتشال من عندك بس كان لازم اقولة علشان أبقي شهدت علي اللي حصل واللي بيدور علي أسئلة علشان يفهم - مش علشان يجادل وبس - يفهم ويوصل للحقيقة . . .
ملازم أول / محمود سعيد البطراوي
