بالصور طريقه عمل الليمون المخلل

بالصور طريقه عمل الليمون المخلل


بالصور طريقه عمل الليمون المخلل

2كيلو ليمون / 1/4 كوب حبة البركة [ انا مش بحبها تبقى كتير علشان بتسود الليمون ]

1 كوب عصفر / 1 كيس ملح / فلفل حامى على حسب انتى عاوزه ايه

3 كيلو ليمون صغير للعصر / زيت

اول حاجة انا بقطع الليمون ارباع و اضربه مع شوية ميه علشان مش يبقى مزز اوى [ بيبقى الكمية حوالى 2/3 عصير ليمون و 1/3 ميه ] فى الفود بروسيسور [ ممكن تعمليه فى الخلاط او تعصريه عادى بالعصارة
اليدوى ] بس زودى الميه انتى بقى بنفس النسبة و بعدين اصفيه فى مصفاة واسعة و احتفظ بالقشر



اخلط الملح مع العصفر مع حبة البركة


اقطع الليمون ارباع من غير ما افصلهم عن بعض شقة على شكل + فى الليمونة من فوق و ابتدى احشى الشق ده بالخليط اللى عملته


و ارصه جنبى لحد ما اخلص كمية كويسة


و ارصه فى برطمان و ازنقه فى بعضه و اضغط عليه كويس



و احط طبقة فلفل حامى فوقهم و ارص ليمون تانى و بعدين فلفل و انا بضغط كويس و هكذا لحد ما يخلص الليمون و الفلفل
املا البرطمان بعصير الليمون

و بعدين احط على الوش قشر الليمون اللى عصرته و اضغط كويس

و احط على الوش شوية زيت و اقفل البرطمان كويس جدا و اسيبه شهر و افتح عليه و اشوفه استوى ولا استنى شوية كمان ؟

الف هنا وشفا بقي